Bello, Cayetano nihimakak nga naglalis silang duha
CEBU, Philippines – Gikataw-an lang nila ni Labor Secretary Silvestre Bello III ug Foreign Affairs Secretary Alan Peter Cayetano ang isyu nga silang duha nagsyinagitay didto sa Malacañang kon kinsay basulon sa nahitabo sa Kuwait.
Gipalayas sa gobiyerno sa Kuwait si Philippine Ambassador Renato Villa sa miaging semana human nga mipadala kini og special rapid response team aron luwason ang OFWs nga giabusaran sa ilang mga employers didto. Ang gibuhat ni Villa usa ka paglapas sa Vienna Convention on Diplomatic Relations sumala pa sa Kuwait.
“We’re not blaming anyone because we don’t think we did anything wrong. We have once a month meeting and most of the time siya (Bello) nagbabayad. So, bakit ko siya sisigawan baka singilin niya ako next time,” komedya pa ni Cayetano.
Samtang si Bello sa iyang bahin miingon nga nisuporta siya sa aksyon nga gihimo sa DFA. “If I were on the shoes of Alan, I will do the same,” matud pa niya.
Sa giduso nga kasabotan, ang gobiyerno sa Pilipinas nihangyo nga kinahanglang panalipdan sa Kuwait ang mga Filipino nga nagtrabaho didto. Gibanabana nga adunay 262 mil ka mga Filipino nga nagtrabaho didto, 62 porsiyento niini mga domestic helpers. Matud ni Cayetano, 34 porsiyento niini ang nakasinati og pag-abuso. Matud niya aduna karoy 800 OFWs sa shelter sa embahada apan aduna pa sila’y gipangita nga 120 ka OFWs.
Niining semanaha lang, gimando ni Presidente Rodrigo Duterte ang pagpadayon sa employment ban didto sa Kuwait.
“Para po sa mga iba na nag-criticize na hindi dapat ni-rescue ang ating mga kababayan, para niyo na ring sinabi na inutil ang gobiyerno. Hindi inutil ang gobiyernong Duterte,” matud ni Cayetano.
Malaumon siya nga sabton sa mga Pilipino ang gihimo sa gobiyerno karon. (Jhan Nysse Capus, ug Mia Tac-an, CNU ug SWU-Phinma Interns/IBM)(BANAT NEWS)
- Latest
