Job fair, medical-dental mission sa Mayo 1
CEBU, Philippines – Mopahigayon ang Department of Labor and Employment-7 og job fair diin 132,247 ka bakante nga nagkalain-lain nga trabaho ang nagpaabot tibuok nasud atol sa Labor Day karong Mayo 1.
Kini ubos sa tema nga, “Pagpupugay sa Manggagawang Pilipino: Dangal ng Lahi, Kabalikat sa Progresibong Pagbabago”.
May ipahigayon sab nga livelihood and business fair/diskwento caravan, free massage services, one-stop shop services, medical and dental mission, releasing of livelihood grants, releasing of teaching kits for SPIMS beneficiaries, ug raffling of door prizes.
Ang maong mga kalihukan ipahigayon sa IEC Convention Center nga pagasugdan sa alas 8 sa buntag hangtud sa hapon.
Ang pagpangrehistro sa mga partisipante magsugod sa alas 6 sa buntag sa Mayo 1.
Ang medical and dental mission abagan sa ITC Hospitals/Vicente Sotto Memorial Medical Center, Cebu Doctor’s Hospital, Department of Health, Philippine Dental Association, Philippine National Police Station, Philippine Army, Philippine Nurses Association diin adunay 200 ka volunteers, 130 doctors ug assistants, 20 ka massage therapists, ug 43 ka dentists.
Ang mga serbisyo ihalad naglakip sa pagpalimpyo ug pagpaibot og ngipon, tuli, medical consultation, wellness counselling, medical testing sama sa bloodletting, random blood sugar testing, HIV/AIDS resting ug uban pa sama sa libreng tupi. (Niña Mae P. Salvacion/CNU Interns/GMR)(BANAT NEWS)
- Latest
