Naghikog kay gibuwagan
CEBU, Philippines — Naghikog patay ang usa ka 16 anyos nga batang babaye pinaagi sa pag-inom og tubig nga sinagolan og makahilong kemikal kay giingong gibuwagan sa uyab sa barangay Poblacion, lungsod sa San Remigio kagahahapon sa buntag.
Ang nagpakamatay anak sa caretaker sa punerarya nga diin siya giingong naghikog.
Matud pa sa imbestigador sa maong kaso nga si PO2 Jade Carabuena nga base sa inisyal nga pakisusi nakit-an na lang sa inahan ang anak nga naghigda ug wala nay kinabuhi.
May nakitang suicide note sulod sa usa ka notebook tapad sa lawas niini nga nangayo og pasaylo sa buhatong pagpakamatay niini.
Ang doktor sa munisipyo nga si Dr. Gerald Ysmael miingon nga pagkahilo ang hinungdan sa kamatayon sa bata.
“Among advise sa inahan nga ipa-autopsy pero kumbinsido man gyud siya nga naghikog gyud ang iyang anak. Gibuwagan kuno ni, pirme lang kuno ni maghilak,” tug-an pa ni Carabuena. Sa maong inisyal nga imbestigasyon sa polis, giingong wala sila’y nakita nga foul play sa kamatayon sa bata. (/IBM)(BANATNEWS)
- Latest
