Bakuna sa iro hayan magnihit
CEBU, Philippines – Gikabalak-an nga pipila ka buwan gikan karon magkuwang ang gidaghanon sa mga bakuna batok sa rabies. Matud ni Dominic Tagnipez sa Animal Bite Treatment Center nga daghan kaayo ang mga napaakan sa iro.
Ang statistics nagpakita nga 29,591 ang mga napaakan og iro nga rabies positive, ug 10 kanila ang namatay sa miaging tuig.
Gikan niadtong Enero, miabot na og 6,680 ang napaakan og iro nga positibo sa rabies, ug pito na ang patay.
Tungod sa pagkuwang unya sa anti-rabies vaccine, giawhag ni Tagnipez ang mga nanag-iya og iro nga responsable sila sa ilang mga binuhi, iparehistro, pabakunahan ug hiposon gyud nga dili makapaak, base sa Anti-Rabies Act.
Multahan og P25 mil kadtong mga tag-iya og iro nga dili mogasto sa pagpatambal sa mapaakan sa ilang hayop. (Caren Abing, CNU interns/RUB)(BANAT NEWS)
- Latest
