Labella: Cash aid di angay politikahon
CEBU, Philippines – Giklaro ni Vice Mayor Edgardo Labella nga wala siya’y gahom ug wala siya sa posisyon aron ipahunong ang programa nga Sustainable Livelihood Program (SLP) program sa Department of Social Welfare and Services (DSWD).
Kini human si Cebu City Mayor Tomas Osmeña miakusar nga matud pa ang oposisyon suway nga mopahunong sa implementasyon sa nahisgutang programa.
“Murag nasayop ‘gurong Mayor who am I to stop it? It’s a national program of the government through the DSWD it has been approved since the previous administration.
I am even surprise why it took that long to implement it, no one not even secretary Dino can stop it, no one because it has already been a program set by the national government DSWD,” matud ni Vice Mayor Labella.
Ang SLP usa ka programa sa DSWD nga nagtinguhang motabang sa mga indibidwal nga wala’y kapangitaan og panginabuhian.
Gitataw ni Labella nga suportado niya ang implimentasyon sa livelihood program kay makatabang kini sa mga kabus nga makanegosyo pinaagi sa cash aid nga nagkantidad og P10 mil.
Ang panghinaot lang sa bise mayor dili magamit sa pamulitika ang maong programa sa maong ahensiya ilabi na karon nga nagkaduol na ang Barangay ug Sangguniang Kabataan (SK) Election. (/IBM)(BANAT NEWS)
- Latest
