Engineer sayong mopanso, late sa trabaho gireklamo
CEBU, Philippines — Usa ka engineer ang gireklamo sa kauban ra niyang engineer ngadto sa buhatan sa Ombudsman for the Visayas tungod sa matud pa mga iregularidad niini sa paghimo sa iyang trabaho diha sa Mactan Cebu International Airport Authority.
Gustong paimbestigahan sa kauban si Engineer Achilles Ponce tungod sa matud pa pagsulod niini sa opisina nga magsuot lang og shorts, ug mag tsinelas samtang mosayo kini og sud aron mopanso apan mogawas ug dugay kaayong mobalik aron mo-report sa trabaho. Ang mipasaka kaniya og kaso mao si Engineer Manuelito P. Nosdo niadtong Pebrero 28, 2018.
Giawhag ni Nosdo ang Ombudsman paghimo og imbestigasyon batok ni Ponce kinsa mao karon ang OIC Engineering Department head sa MCIAA.
“Makaluluoy kaayo sa ubang empleyado sa MCIAA nga nagmatinuod og nagkugi sa ilang trabaho samtang makita nila si Engineer Ponce ang sayop nga ginabuhat sa iyang pamaagi sa pag log-in sa opisina na kini sayo moadto sa opisina para mo log-in apan siya ma-late atol sa pag-report sa office. This practice is very unbecoming of a top government official,” dugang pa ni Nosdo.
Kasong administratiba ang gipasaka ni Nosdo tungod sa dishonesty, grave misconduct ug paglapas sa RA 6713 batok ni Ponce.
Si Ponce dihang gitawgan sa Banat News sa telepono nagdumili kini paghatag og tubag kay matud niya wala pa siya nakadawat og kopya sa reklamo nga gipasaka batok kaniya.
Si Ponce mao usab ang gireklamo diha gihapon sa Ombudsman for the Visayas sa anti-graft crusader nga si Crisologo Saavedra niadtong Pebrero ning tuiga tungod sa matud pa ill-gotten wealth. (PHINMA ug PIT Interns/IBM) (BANAT NEWS)
- Latest
