Magdalo Rep. Alejano gusto’ng mag-senador
CEBU, Philippines – Gipahibawo ni Kongresista Garry Alejano sa Magdalo Partylist ang iyang tinguha nga modagan sa pagka-senador sa eleksiyon sa 2019.
Si Alejano nibisita sa Sugbo sukad niadtong Lunes aron pagtambong sa Akbayan Congress ug siya usab nibisita sa ilang mga sakop ug mga lider sa Samahang Magdalo aron masayud sa panghitabo sa nasud.
Nagpadayon sab ang ilang gihimo nga konsultasyon sa tibuok nasud labot sa tinguha sa ilang grupo.
“Once the group finally decide, then I will abide by the decision of the group to run for senator this coming 2019,” matud ni Alejano atol sa 888 News Forum sa Marco Polo Plaza kagahapon.
Matud ni Alejano nga ilang gipaneguro nga ang una mao ang interes sa grupo.
“Sa akin, bilang miyembro dyan, hinahanda ko lang ang sarili ko kung ano man ang maging direction ng grupo,” matud niya.
Gipasalamatan sab ni Alejano si Senador Antonio Trillanes IV sa sa pagsalig nga gihatag kaniya isip pangulo sa Magdalo Para sa Pagbabago Movement.
Samtang niabot na sa 246 ka kandidato ang nakaduso sa ilang certificate of candidacy alang sa eleksiyon sa Barangay ug Sangguniang Kabataan sa Dakbayan sa Sugbo sulod sa upat ka adlaw sa pagsang-at sa CoC.
Subling nipahimangno ang Commission on Elections sa mga gidili sa umaabot nga piniliay sama sa premature campaigning.
Ang katapusang adlaw sa pagduso sa CoC unya sa Abril 20 samtang gitugutan ang mga kandidato sa pagpangampanya sugod sa Mayo 4 ngadto sa 12 ug sa Mayo 14 mao ang adlaw sa piniliay. (Rejena M. Sevilla, PIT Interns ug Jhan Nysse Capus, CNU Intern/GMR)(BANAT NEWS)
- Latest
