Centennial countdown sa public library gisugdan

CEBU, Philippines — Malampuson ang pagselebrar sa ika-99 ka tuig nga anibersaryo sa Cebu City Public Library.

Nagkanayon si Rosario Chua, chief librarian sa Cebu City Public Library, nga kagahapon sa buntag gilusad nila ang "Basa Kabataan Project".

Ang "Basa Kabataan Project" gihimong countdown alang sa sunod tuig nga centennial celebration.

"Ang objective gyud ano to bring back the culture of reading sa mga bata at the same time nag-encourage sad ni siya sa mga volunteers to participate those who love reading diin duna mi gi-choose nga day wherein ang mga volunteers and library staff will wear yellow apron so gitawag namo og yellow apron day Wednesday and Sunday once ang mga bata makakita sa nag-yellow apron pwede sila makapabasa one-on-one," matud ni Chua.

Laing mga kalihukan nga giandam mao ang water color painting nga gipangulohan ni Joan Florido, usa ka freelance painter diin ang apil niini mga magtutudlo. Human sa water color painting gisunod dayon ang story telling nga gipangulohan ni Cris Evert Lato-Rufollo nga usa ka journalist.   Gikan sa alas 7 hangtud sa alas 10 sa gabii gipahigayon dayon ang star gazing sa public library. (Bernardette A. Itang, PIT Interns/GMR)(BANATNEWS)