Marathon public hearing sa usbaw sa suholan gihimo
CEBU, Philippines — Mopahigayon ang Regional Tripartite Wage and Productivity Board (RTWPB) og marathon public hearing sa wage hike petitions karong umaabot nga Abril 26 sa Cebu City ug Mayo 10 sa Bogo City.
Ang unang gipahigayun ang public hearing niadtong Abril 12 sa Dumaguete City, Negros Oriental, ug Abril 13 sa Tagbilaran City, Bohol.
Giawhag sa RTWPB-7 ang mga sektor nga moduso sa ilang posisyon atol sa public hearing kabahin sa isyu.
Niadtong Pebrero, ang RTWPB nakadawat og petition alang sa P155 across-the-board daily wage adjustment nga giduso sa Cebu Labor Coalition, Lonbisco Employees Organizattion (LEO), METEPHIL Works Union (MWU), NUWHRAI-Montebello Chapter, NLM-Katipunan, ug Union Bank Employees Association (UBEA).
Niadtong Marso laing petisyon ang nadawat sa RTWPB alang sa P120 across-the-board daily wage hike gikan sa Associated Labor Unions- Trade Union Congress of the Philippines (ALU-TUCP). Marso 10, 2017 dihang kataposang nausbawan ang suholan sa Visayas pinaagi sa Wage Order No. 20 nga naghimo P366 matag adlaw sa Metro Cebu.
Samtang ang Class B Cities and Municipalities og ang siyudad sa Toledo, Bogo og ubang mga lungsod sa probinsya sa Sugbo gawas sa isla sa Bantayan ug isla sa Camotes adunay P333 nga minimum matag adlaw. Ang Class C sama sa Tagbilaran ug mga lungsod sakop sa Bohol ug Negros Oriental adunay P323 nga minimum matag adlaw.
Ang mga trabahante sa Class D nga mga lungsod sa Siquijor ug isla sa Bantayan ug Camotes adunay P308 nga suholan.(PIT Intern/IBM)(BANATNEWS)
- Latest
