Barangay, SK Elections hayan madayon – COMELEC

CEBU, Philippines - Hayan mahinayon gyud ang eleksiyon sa Barangay ug Sangguniang Kabataan karong Oktubre, matud ni Provincial Election Supervisor Lionel Marco Castillano.

Gipasabot ni Castillano nga ang chairman sa House Committee on Suffrage and Electoral Reforms niluwat og pamahayag nga kung ang bill nga nagpauswag sa SK ug Barangay Elections dili mapasar karong buwana dili na nila kini maapas tungod kay ang Agosto, Septiyembre ug Oktubre mao na ang budget hearing.

Ang Kongreso nag-recess na ug inig balik sunod buwan magsugod na ang budget hearing.

Matud ni Castillano nga ang bill igo lang kining gi-file ug walay napahigayon nga committee hearing diin buot pasabot nga wala mo-irog.

Ang Commission on Elections bisan pa sa sugyot sa pagpauswag sa SK ug Barangay Elections, wala kini mohunong sa ilang pagpangandam.

Niabot na sa 2,851,690 ang registered voters sa barangay sa tibuok Probinsiya sa Sugbo lakip na niini ang mga siyudad samtang sa SK dunay 1,083,047 ka registered voters.

Dugang ni Castillano nga ang SK nga nagpanuigon na sa 18-anyos pataas hatagan og duha ka balota, sa SK ug Barangay, apan ang iyang duha ka balota usa ka ballot box lang ang hagbongan niini.

Ang SK nagpanuigon gikan sa 15 ngadto sa 30-anyos ang makabotar.                 

Atol sa eleksiyon dunay itagana nga presinto nga mag-handle sa SK ug Barangay nga botante. (BANAT NEWS)