PMA cadets mipasundayag og silent drill
CEBU, Philippines - Gatusan ka mga tawo ang misaksi sa silent drill sa Mabalasik Class of 2019 sa Philippine Military Academy sa Cebu City Sports Complex kagahapon sa buntag.
Anaa sa 279 ka mga estudyante sa PMA ang mipakita sa ilahang presentasyon pinaagi sa paghimo og nagkalain-laing parade formation samtang nagkarga sa ilahang mga rifle.
Naabot ang mga PMA cadets sa milabay’ng Biyernes, pasado alas-10 sa buntag didto sa Mactan Benito Ebuen Air Base sa Dakbayan sa Lapu-Lapu.
Matud ni Lt. Col. Reynaldo Balido, assistant chief of staff of Civil Military Operations sa PMA, nga ang mga second class cadets o third year college students sa PMA mianhi og Cebu tungod apil kini sa ilahang training sa pagka-sundalo.
“Ginagawa namin ito as part of their training, to orient them and to familiarize them with different military units, PNP units and local government units.
This is to aid them sa pagpili kung anong service na sasalihan nila,” matud ni Balido.
Mao sab kini ang paagi sa PMA nga makakuha og bag-ong recruits.
Matud ni Balido, lima ka adlaw sila dinhi sa Cebu ug ang mga kadete temporaryong mopuyo sa balay sa ilahang mga foster families.
Gawas sa Cebu, gikan usab nag-tour ang mga kadete sa Palawan, Davao ug Zamboanga.
Karong adlawa, adunay mga kadete makigsuroy sa ilahang mga foster family diri sa Cebu.
Sa mosunod nga adlaw (May 22) adunay ikaduhang silent drill nga i-perform ang mga kadate diha sa University of Southern Philippines Foundation sa alas 10:30 sa buntag.
Pagkagabii sa parehas nga adlaw’ng Lunes, usa ka party sa PMA nga gitawag og “Hop” ang ipahigayon sa maong dapit (USPF). - /EIM) (BANAT NEWS)
- Latest
