Bag-ong voters ID posibleng pabayran
CEBU, Philippines - Nagplano karon ang Commission on Elections (Comelec) nga maghimo og bag-ong ID alang sa mga botante, kun diin isusama kini sa mga licensed ID nga plastic ang materyales ang gamiton.
Apan sumala ni provincial election officer Atty. Lionel Marco Castillano nga mamahimong magbayad na niini ang botante.
“Pwede ka atong karaan nga ID, or kaning bag-o nga but you have to pay,” matud ni Castillano.
Iya hinuon gitataw nga kinahanglan pa kini tun-an pag-ayo sa Comelec hilabina ang legalidad niini.
Ang election supervisor nagka-nayon kun ugaling madayon ang maong plano, mamahimong sa regional offices na lang sa Comelec ang pagkuha sa mga IDs sa mga botante.
Samtang giklaro ni Castillano nga ang mga voter IDs nga mahimo nang kuhaon sa ilang mga buhatan mga “unclaimed” nga voters’ ID kini.
Kun bag-o pang nakaparehistro, posibleng wala kini maapil sa mga voter’s ID nga anaa na karon sa mga Comelec offices sanglit matud ni Castillano moabot pa ngadto sa 8 hangtod 10 ka bulan o maabtan pa og tuig una pa ma- claim ang ID. - /EIM) (BANAT NEWS)
- Latest
