Honorarium sa barangay workers bayran sa siyudad
CEBU, Philippines - Gipasalig sa buhatan ni Mayor Tomas Osmeña nga mabayran ang honorarium sa mga wala pa kadawat nga barangay workers sa Siyudad sa Sugbo.
Kini ang gibutyag ni Konsehal Philip Zafra, presidente sa Association of Barangay Councils (ABC), human sa ilang panagtagbo ni Bimbo Fernandez, executive assistant ni Osmeña, sa buhatan sa Ombudsman. Si Fernandez nisaad nga ipaapil sa sunod supplemental budget ang pundo alang sa honorarium.
Naglaum sab si Zafra nga mabalik ang ayuda alang sa mga tanod ug garbage loaders sa siyudad. Sayo niining tuiga gipahunong ni Osmeña ang paghatag sa honorarium tungod sa kakuwang sa pundo.
"Hoping that a positive development would be reached out between the city and to Association of Barangay Council (ABC) on this particular case," sigun ni Zafra. Darlene Teves ug Zeny Tapuyao (BANAT NEWS)
- Latest
