Photographer gidayeg sa CPPO

CEBU, Philippines - Gipasidunggan ang photojournalist sa The Freeman ug Banat News nga si Kristine Joyce Campaña sa Cebu Provincial Police Office.

Kini gumikan sa iyang "act of kindness" nga gibuhat atol sa iyang media coverage sa Pooc, Sta. Fe, Bantayan Island sa niaging Semana Santa. Si Campaña nagkuha og litrato sa mga basura nga nag-viral sa social media.

Matud ni Cebu Province Police Office Director Eric Noble nga ang maong litrato maoy nagpamatngon sa ilang adbokasiya sa kalikupan, hinungdan nga nagpadala siya og mga polis aron tabangan ang barangay sa pagpanglimpiyo.

"Yun yung magandang nadudulot ng social media at mga journalists. Sana may susunod pang mga bagay na magiging dahilan para magising yung ating kababayan na overlook yung pagiging makalikasan," sigun pa ni Noble.

Dugang pa niya nga dili kinahanglan nga mag-viral sa social media ang mga litrato para masayud ang mga tawo sa komunidad.

Ang "act of kindness" gipagawas sa CPPO aron magbantay ang mga polis sa mga butang nga maayo sama niadtong litrato sa mga polis nga nagpasakay og lola sa patrol car sa Santander. Raziel Sumayang (BANAT NEWS)