Mga director sa DOLE-7, 8 nagbaylo
CEBU, Philippines - Bag-o na ang regional director sa Department of Labor and Employment-7 ug 8 sugod kagahapong adlawa.
Human sa duha ka tuig ug tunga, si DOLE-7 Director Exequiel Sarcauga nibiya na aron moalagad sa DOLE-8.
Si DOLE-8 Director Elias Cayanong maoy nihulip kang Sarcauga.
Gidayeg ni Sarcauga si Cayanong sa mga good practices nga gihimo samtang kini regional director sa DOLE-8 ug nisaad nga iyang ipadayon ang mga programa niini.
Si Sarcauga, tungod sa iyang bag-ong assignment, dili na usab siya ang chairman sa Regional Tripartite Wages and Productivity Board-7.
Dugang ni Sarcauga nga ang iyang bag-ong assignment kabahin kini sa lahugay sa DOLE diin tulo lang sa 16 ka regional directors tibuok nasud ang nagpabilin sa ilang rehiyon.
Si DOLE Secretary Silvestre Bello III nagsugod sa lahugay sa mga opisyal sa DOLE niadto pang unang tuig. (BANAT NEWS)
- Latest
