97 mogradwar sa K to 12
CEBU, Philippines - Mogradwar karong Abril 7 ang 97 ka tinun-an sa K to12 plus nga gihimong pilot sa Cebu Chamber of Commerce and Industry, Department of Education ug AFOS, usa ka German-based foundation.
Matud ni Teresa Pono, resident representative sa AFOS, nga tulo ka tunghaan ang ilang gihimong pilot area sa maong proyekto.
Kini naglangkub sa Bo. Luz National High School, Zapatera National High School ug Banilad Center for Professional Development.
Sumala pa ni Pono nga tulo ka kurso ang ilang gi-offer nga naglangkub sa construction, tourism ug food manufacturing nga gisugdan nila niadtong 2014 ang pilot nga klase.
Dugang ni Pono nga adunay pipila ka tinun-an ang wala nipadayon tungod sa nagkadaiyang rason hinungdan nga niabot na lang og 97 ang nihuman.
Gitug-an ni Pono nga niagi og mga screening ug interview ang mga tinu-an nga girekomendar sa tulo ka pilot nga tunghaan diin human sa gradwasyon mohimo sila og rekomendasyon alang sa resulta sa maong proyekto. (BANAT NEWS)
- Latest
