Phase 2,3 sa Tabunok market gi-bid na

CEBU, Philippines - Gipahigayon na ang bidding sa P98 milyones nga phase 2 ug 3 sa bag-ong merkado sa Tabunok, Dakbayan sa Talisay kagahapong adlawa.

Ang upat ka kontraktor nga nisalmot mao ang Tuanson Construction, Rex E. Morales, PLD ug Quirante Construction.

Ang Tuanson maoy labing ubos og presyo sa P98 milyones nga phase 2 ug maoy kasamtangang nag-ugmad sa phase 1 sa maong merkado nga hapit na mahuman.

Samtang ang Bongar Co. Inc. ang nidaug sa phase 3 nga mao ang sewage and treatment plant sa kantidad nga P15 milyones.

Niapil sab sa maong bidding ang Tacolod Enterprises Inc.; PLD Construction; Quirante ug ang Tuanson Construction.

Si City Budget Officer Edgar Mabunay ug chairman sa Bids and Awards Committee (BAC) niingon nga ipaubos pa sa post-evaluation ang mga lowest bidders.

Hinuon dili na maglisud ang Tuanson tungod kay aduna na man sila’y agi nga gipakita. (BANAT NEWS)