1 milyon ka housing units tukoron
CEBU, Philippines - Usa ka milyon nga socialized housing units ang tukuron sa Visayas ug sugdan kini sa Sugbo.
Gibutyag ni Michael Lloyd Dino, ang Presidential Assistant for the Visayas nga sugdan sa Siyudad sa Sugbo, Mandaue ug Lapu-Lapu karong third quarter ang P20 mil ka units.
Matud ni Dino nga ang usa ka milyon nga socialized housing giplano nga mahuman kini sa mosunod nga lima ka tuig sa administrasyon ni Presidente Rodrigo Duterte.
Nagkanayon sab kini nga ang maong mga housing units, tukuron sa Chinese government ug ang counterpart sa gobiyerno sa Sugbo mao ang luna nga gipanag-iya sa probinsiya.
“Socialized housing is very important which was being neglected. Mas maayo gyud nga naay shelter ang poor communities,” matud pa ni Dino. Dugang niini nga ang gobiyerno sa China mohimo og kontrata sa mga local government units (LGU) nga maoy mopili sa mga beneficiaries.
Ang mga LGUs na ang mangolekta sa bayad sa mga beneficiaries diin ang kantidad sa housing units barato ra ug pagabayaran kini sa taas nga higayon.
“Pautang ni, in a long term basis with a very low interest para kaya ra gyud mabayran sa mga beneficiaries,” dugang ni Dino. (BANAT NEWS)
- Latest
