CPPO mangandam sa Semana Santa

CEBU, Philippines - Cebu Provincial Police Office Director Senior Supt. Eric Noble, mopahigayon og tigum sa iyang mga ginsakopan sunod semana alang sa ilang preparasyon sa umaabot nga Semana Santa.

Matud pa ni Noble human na man sila sa mga dagkong mga kalihukan sama sa pagtambong ni Presidente Rodrigo Duterte diin daghan sa iyang mga kapulisan ang gipakatap.

Sumala pa ni Noble tutukan nila ang tanang lugar ilabi na kadtong mga lugar nga hugpaanan sa mga turista, sama sa Bantayan Island ug uban pa.

Nagplano siya nga bisitahon ang tanang lugar sa dili pa ang Semana  Santa. - /EIM) (BANAT NEWS)