1,200 tricycle sa Talisay way prangkisa
CEBU, Philippines - Kapin sa usa ka libo ka kolorum nga traysikol ang padayon nga nagdagan sa Siyudad sa Talisay.
Si Jane Enrile sa licensing division nitug-an nga moabot lang sa 1,800 ka traysikol ang gi-renew ang prangkisa sa ilang buhatan sa 3,000 nga natala nga nagdagan.
Matud ni Enrile nga delikado ang mga pasahero nga manakay sa kolorum nga mga traysikol ilabi na og makasugat og disgrasya tungod kay wala kini insurance.
Samtang si Almond dela Peña, pangulo sa City of Talisay-Traffic Operation Development Authority (CT-TODA), niingon nga mas maayo nga apil ang ilang buhatan sa paghashas sa mga traysikol sa dili pa kini mo-renew. Kini aron sila masayud kun unsa nga mga traysikol ang legal ug ilegal nga namasahero.
Si Enrile nagkanayon nga dili lisud ilhon ang mga traysikol nga kolorum tungod kay wala silay sticker nga ipapilit sa atubangan niini. Ang ordinansa sa siyudad naglatid nga gilimitahan lang sa 1,800 ka traysikol ang pwede modagan sa siyudad apan mausab kini kun usbon sab ang ordinansa. (BANAT NEWS)
- Latest
