Pagtagad sa mga Koreans di usbon
CEBU, Philippines - Niawhag si Cordova Mayor Mary Theresa Cho sa mga Sugbuanon nga ipabilin gihapon ang pagka-maabiabihon ngadto sa mga Koreans human sa taho sa giingong mga mafia sa Sugbo.
Ang awhag ni Cho nunot kini sa giingong dili na pagrespetar sa ubang mga kawani ngadto sa ilang mga amo nga mga Koreans.
Ang bana ni Cho nga si Charlie mao ang presidente sa Cebu Koreans Association.
Matud ni Mayor Cho nga dakong tabang sa ekonomiya ang mga Koreans ilabi na sa ka daghan nilang mga turista sa Pilipinas.
Sumala pa ni Cho nga mas labing maayo kung ipabilin sa mga Sugbuanon ang ilang pagka-maabiabihon ug respetar sa mga Koryano tungod kay sama sa Pinoy adunay maayo ug aduna say dili.
Maoy iyang panghinaut nga dili i-generalized sa mga Pinoy ang mga Koreans ug dili usab sirad-an ang pultahan sa pagka-maayo ngadto sa mga langyaw.
Si Cho nibutyag nga dili mominus sa 20,000 ka Koreans ang nia sa Sugbo. - /GMR) (BANAT NEWS)
- Latest
