Tinun-an di na hatagan og condom
CEBU, Philippines - Wala’y mahitabo nga pagpanghatag og condom ngadto sa mga tinun-an human girespetaran sa Department of Health ang kagustohan sa Department of Education nga dili moapud-apod niini.
Kini ang gitug-an ni DOH Secretary Paulyn Jean Ubial, kinsa nibisita sa Dakbayan sa Sugbo kagahapon.
Matud ni Ubial nga ang nahaunang plano pag-explore lang sa posibilidad nga mohatag og access sa kabatan-unan isip kabahin sa ilang pagtuon sa nagsakang kaso sa HIV.
Sumala pa ni Ubial nga ilang girespetaran ang DepEd basta ipadayon lang ang Comprehensive Sexuality Education ilabi na sa paglikay sa kaso sa HIV. Dugang pa ni Ubial nga ang pagpanghatag og condom adto na ipanghatag sa mga health workers sa kabarangayan ug hospitals.
Sayo niini daghang grupo ang nipakita sa ilang pagsupak sa plano sa DOH. (BANAT NEWS)
- Latest
