P15M gigahin sa segundo distrito
CEBU, Philippines - Kapin sa P15 milyones ang gigahin ni Bokal Jose Mari “Tata” Salvador nga pundo alang sa nagkalainlaing proyekto sa mga lungsod ug barangay sa segundo distrito sa Probinsiya sa Sugbo.
Kini kuhaon sa Legislative Assistance Fund ni Salvador ug sa 20% Development Fund nga ubos sa buhatan sa gobernador karong tuiga.
Ang P14 milyones alang kini sa “construction, rehabilitation and development” sa lainlaing proyekto nga kuhaon sa development fund sa gobernador.
Laing P400,000 ang gigahin alang gihapon sa maong katuyuan.
Ang P290,000 alang kini sa pagpamalit og lainlaing ekipo ug makinarya ingon man alang sa socio-cultural activities nga kuhaon sa LAF ni Salvador.
Dugang P430,000 alang gihapon sa socio-cultural activities sa lainlaing lungsod ug barangay sa segundo distrito nga kuhaon sa LAF sa gobernador. (BANAT NEWS)
- Latest
