Nagklase sa mga tolda

CEBU, Philippines -  Mga estudyante sa nasunog mga Maribago Elementary School ug Maribago High School kasamtangang nagklase sa tolda ug sa covered court sa maong tunghaan aron dili mabiyaan sa ilang mga leksyon.

Si Lapu-Lapu City Acting Mayor Marcial Ycong miingon nga bisan pa man sa maong sunog niadtong Pebrero 14 gipangitaan sa mga kadagkoan sa maong tunghaan nga dili mapasagdan ang mga bata.

Si Ycong mibutyag usab nga andam ang siyudad paghatag og financial assistance alang sa reconstruction efforts.

Siyam ka classrooms ang nasunog pasado alas 6 sa buntag niadtong adlawa nga gidudahang loose connection sa linya sa kuryente ang nakaingon.

Gibana-banang anaa sa P500, 000 ang danyos sa maong sunog nga na-kontrolar sa Lapu-Lapu City Fire District sa alas 7:10 na sa buntag. (BANAT NEWS)