P13 wage order toa na sa Manila
CEBU, Philippines - Giluwatan na sa Regional Tripartite Wage and Productivity Board-7 ang bag-ong wage order nga nagmando paghatag og dungag nga P13.00 matag adlaw nga suhulan sa mga minimum wage earners sa tibuok Central Visayas.
Matud pa ni Jose Tomongha, usa sa mga labor representative sa RTWPB-7 gipadala na sa National Wage and Productivity Board ang kamandoan aron kini i- review ug ibalik kini sa RTWPB-7 aron mapublikar sud sa 15 ka adlaw.
"The new wage order will take effect 15 days after publication," matud pa ni Exequiel Sarcauga, ang chairman sa RTWPB-7.
Nasayran usab nga giaprubahan usab ang P1,000 nga minimum nga sweldo sa mga katabang dinhi sa Central Visayas.
Apan ang mga militanteng grupo wala makauyon sa kagamay sa usbaw sa sweldo nga gihatag sa mga mamumuo.
"Panahon na gyud wagtangon ni ang RTWPBs kay wala na kini nagsilbi sa kaayuhan sa mga laborers," matud pa ni Dennis Derige, ang spokesperson sa Partido ng Manggagawa-Cebu.
Tungod sa grabeng pagkadismaya sa mga mamumuo sa RTWPBs ug sa Department of Labor and Employment molusad ang mga militanteng grupo og usa ka National Day of Action ug ilang ipaabot ngadto sa presidente ang ilang yangungo. -/EIM (BANAT NEWS)
- Latest
