Consumer protection giduso sa PB

CEBU, Philippines - Aron maprotektahan ang katungod sa mga konsumedor, giawhag sa hunta probinsiyal ang kalungsuran ug component cities sa probinsiya nga magtukod og Consumer Protection Office sa ilang mga lugar.

Ang maong awhag pinaagi kini sa pagpalabang og resolusyon sa hunta probinsiyal niadtong Lunes.

Matud ni Bokal Thadeo Jovito Ouano, aron makabutang og Consumer Protection Office ang kalungsuran ug component cities, kinahanglan nga adunay close coordination tali sa Department of Trade and Industry, Department of Health ug Department of Agriculture.

Ang consumer protection gilangkuban sa mga balaod ug organisasyon nga gi-design  aron masiguro ang katungod sa konsumedor lakip ang fair trade competition ug makabaton og tukmang impormasyon diha sa kamerkadohan. 

Gipasabot ni Ouano nga ang maong pagtukod sa maong buhatan mao nga ang matag ordinaryo nga konsumedor sayon nga makadangop sa ilang yangungo, assistance ug impormasyon sa ilang mga panginahanglanon aron dili mausik ang ilang kwarta nga hinagoan. Gisugyot sab nga ang maong buhatan, mahimong one-stop consumer held center. (BANAT NEWS)