Heavy equipments gipangandoy sa Provincial Engineer
CEBU, Philippines - Ang kagamhanan sa probinsiya nagkinahang-lan gyud og mga bag-ong heavy equipment matud ni Provincial Engineer Hector Jamora.
Gawas nga kuwang gyud ang heavy equipment karon sa Kapitolyo, ang kasamtangang heavy equipment karon mga karaan na.
Ang Kapitolyo adunay upat ka grader nga magamit sa paghawan sa karsada, upat ka pison, usa ka backhoe ug usa ka payloader.
Matud ni Jamora nga ang maong heavy equipments nagpanuigon na og sobra sa 10 ka tuig ug gani dunay 15 ka tuig.
Ang Kapitolyo daku-daku og magasto sa maintenance sa maong heavy equipments kay dali na kaayo kining maguba tungod sa ka dugay na.
Si Jamora nagkanayon nga ang heavy equipments nga pamaliton sa Kapitolyo daku kaayo kini’g tabang ilabi na kun dunay mga mahitabong katalagman.
Subay niini, human sa kontrobersiya sa P250 milyones nga heavy equipment project, si Gobernador Hilario Davide, III migama na og Memorandum of Agreement (MOA) tali sa ConEquip-RDAK ug ang maong MOA naghuwat na lang kini og approval sa hunta probinsiyal. (BANAT NEWS)
- Latest
