Mga tindahan kilid sa parade sirad-an

 CEBU, Philippines - Gusto karon ni Mayor Tomas Osmeña nga manirado ang tanang establisamento sa kilid sa Sinulog Grand Parade Route pagkaalas 7:30 sa gabii aron dili na diha magtapok ang mga kabataan nga gustong magbinuntagay og inom nga nakaestorbo ug nakahasol sa uban sa miaging kapistahan.

Kining maong plano iyang nakab-ot gumikan sa iyang nakita nga ini’g abot sa gabii ang mga batan-on mangita na’g tindahan nga maimnan.

Tungod niini ang mga business establishment moatiman sa ilang mga customer gikan sa buntag hangtud ra sa alas 7:00 sa kagabhion.

Dili unta gusto ni mayor ang maong sitwasyon kay aduna kini dakong epekto sa mga negosyante, apan kinahanglang himoon alang sa kalinaw ug hapsay nga pagsaulog sa kapistahan ni Senyor Santo Niño sa sunod tuig.

"We have to be creative... proper balance. We have to allow people in their livelihood at the same maintaining the peace and order...I'm not in favor of shutting down just for the sake of shutting down because I could see the crowd, naay gamay nga badlungon but most of them were not they were just happy, happy. At the moment they start hearing the music it become the Sinulog beat, one beat one move at the same time, it’s like a science fiction movie ba, the crowd is already affected of some hidden sound waves, they all start moving in the same rhythm and they start cheering," saysay pa ni Osmeña.

Giplanohan usab ni Osmeña ang total liquor ban aron hapsay ang pagselebrar sa Sinulog.

Karong semanaha, ang City Legal Office sa 17 ka mga establisamento paesplikahon tungod sa ilang mga kalapasan. (BANAT NEWS)