Bohol ug Cebu gitay-og og linog

CEBU, Philippines - Usa ka 3.7 magnitude nga linog ang natala sa  Philippine Institute of Volcanology And Seismology (PHIVOLCS) nga miigo sa Balilihan, Bohol alas 02:35 sa hapon kagahapon.

Si Marcial Vito usa ka science research analyst sa PHIVOLCS Manila nga nakighinabi sa Banat News pinaagi sa telepono miingon nga ang gikusgon niini miabot og intensity 2 nga nabatyagan hangtud sa Cortes ug Tagbilaran City. Samtang ang probinsiya sa Sugbo nakasinati og   intensity 1 nga linog kagahapon, apan tungod sa kahinayon wala na kaayo kini mabantayi sa publiko.

Si Vito mibutyag nga ang epicenter sa maong linog nahimutang 6- kilometros amihanang-kasadpan sa Balilihan.

Hinuon ang duha ka mga pagtay-og way namugna nga kadaot sa nahisgutang mga dapit. Rexy Quennie  Engle (BANAT NEWS)