Libre basta dunay certificate of indigency
CEBU, Philippines - Ang mga kabus nga pasyente sa lalawigan sa Sugbo dili na pabayron sa hospital service ug ambulance fees sa mga provincial ug district hospitals, apan kinahanglan sila adunay certificate of indigency aron makapahimos sa mga hospital services nga libre.
Kini human nga ang provincial board miamendar sa Sec. 173 sa provincial ordinance no. 2008-10 o ang Revenue Code of 2008 diin kinahanglan ang mga pasyente makapakita og certificate of indigency nga gi-certify sa ilang local social welfare and development officer, aron dili na sila makabayad sa ospital.
Naglakip na niini ang consultation fee matag office hours nga P30 ug human sa alas 5 sa hapon nga P50. Apil usab ang BP consultation nga P10 ug nebulization nga P35 ug ambulance fee. Samtang sa paggamit og ambulansya, ang mga pasyente kinahanglan mokuha og written order gikan sa attending physician nga kinahanglan mobalhin ang pasyente sa laing tambalanan.
"Due to the change in circumstances, there is a need to amend Section 173 of Ordinance No. 2008, to conform to the present situation and to see to it that delivery if basic health services is at all times available especially to our indigent constituents," matud ni bokal Jose Marie “Tata” Salvador ang nangamahan sa pag-amender sa maong ordinansa.
Dugang ni Salvador nga mao kini ang usa sa iyang nakita aron mousbaw ang health services sa lalawigan. (BANAT NEWS)
- Latest
