Firecrackers display gisusi
CEBU, Philippines – Gisusi sa kabomberuhan ang mga baligyaanan og pabuto sa Babag, Dakbayan sa Lapu-Lapu.
Kini aron pagseguro nga gisubay ang lagda sa mga negosyante alang sa luwas nga pagbaligya sa ilang mga produkto.
Buot makaseguro si Lapu-Lapu City Mayor Paz Radaza nga luwas ang pagsugat sa Bag-ong Tuig hinungdan nga gimando niya nga ipabalhin kadtong mga namaligya duol sa mga tunghaan. Gawas sa manindahay, matud ni Radaza nga angay sab magmatngon ang mga mamalitay aron makalikay sa disgrasya.
Samtang ang mga sakop sa Cebu City Fire Department ang nagrekorida libot sa pipila ka dapit sa siyudad ug nanghatag og fliers sa Iwas Paputok Campaign.
Gitinguha ni Bureau of Fire Protection-7 Director Samuel Tadeo nga zero fire incident ang Bag-ong Tuig.
Pahimangno sa kabomberuhan sa katawhan nga aron likay sa disgrasya dili lang sunog ang ilang gibantayan apil usab ang mga mabiktima sa pabuto. - /GMR) (BANAT NEWS)
- Latest
