SWAT sa siyudad may bag-ong sakyanan
CEBU, Philippines - Nakaangkon og duha ka bag-ong patrol cars ang Special Weapons and Tactics (SWAT) Team gikan sa kagamhanan sa Dakbayan sa Sugbo.
Si Konsehal Dave Tumulak, deputy mayor for police matters, ang nangulo sa turn-over sa mga sakyanan kagahapon. Si Tumulak niingon nga padayon sila sa pagsupporta sa kapolisan sa dakbayan.
Gawas sa mga sakyanan, dugang kagamitan sa mga sakop sa SWAT Team ang ihatag.
Matud ni Tumulak nga ingon niana ka seryoso sila sa kagamhanan sa pagsuporta sa kapolisan.
Ang mga mosunod nga ihatag mao ang bam suits, bullet proof vest ug ubang mga kinahanglanon sa kapolisan lakip na ang bag-ong armas.
Gitataw ni Tumulak nga kinahanglan gyud hatagan og suporta ang kapolisan nga maoy nagpatunhay sa kahusay ug kalinaw. (BANAT NEWS)
- Latest
