Babaye gidunggab sa silingan

CEBU, Philippines - Nadakpan sa kapolisan ang 25-anyos nga lalaki nga nakadunggab sa iyang silingan nga babaye sa Barangay Tugbongan, Lungsod sa Consolacion alas 3 pasado sa niaging hapon.

Ang nadakpan mao si Louie Juan Salazar Lumapas samtang ang biktima mao si Lita Valle, 37, minyo nga nagpuyo sab sa maong dapit.

Giingong nagkalalis ang duha sa wala pa masayri nga hinungdan ug ang suspek nga nagdala og kutsilyo ang kalit lang nihansak niini sa tiyan sa biktima.

Dali nga gihatud sa iyang mga kabanay ang biktima sa Mendero Hospital nga nahimutang sa maong lungsod apan gibalhin sa pribadong tambalanan sa Dakbayan sa Sugbo.

Ang suspek nga nisuway na unta sa pagsibat ang nadakpan sa follow-up operation sa kapolisan.

Gibalhug sa selda sa kapolisan ang suspek samtang kasong frustrated murder ang giandam. (/GMR)  (BANAT NEWS)