Pirma alang sa food allowance
CEBU, Philippines - Gipatin-aw sa pangulo sa Cebu City Disaster Risk Reduction Management Office (CCDRRMO), Nagiel Bañacia, ang giingong gipapirmahan ngadto sa mga nagbantay sa mga sam-ang labot sa ilang pagkaon atol sa kalag-kalag.
Matud ni Bañcia nga ang gipapirmahan sa mga polis, kasundaluhan, ug ubang force multipliers nga nagbantay sa mga sam-ang maoy pagmatuod nga nakadawat sila og cash allowance nga kwarta ug dili food pack.
Ang food allowance nagsugod ang paghatag sa cash allowance niadtong Oktubre 31 alang sa paniudto ug panihapon, full meal allowance sa Nobiyembre 1 ug pamahaw ug paniudto sa Nobiyembre 2 sa kantidad nga P56 matag kaon.
Sigun ni Bañacia nga ang wala mopirma walay madawat nga allowance kay mao sab kini ang magsilbi nga attendance.
Wala pay petsa kung kanus-a madawat ang food allowance sanglit kinahanglan pa nga adunay usbon sa lagda sanglit nabutang didto nga ang pundo alang sa “food provisions” ug dili “food allowance.”
Giangkon hinoon ni Bañacia nga dunay miscommunication nga nahitabo. Iyang giawhag kadtong mga wala nakapirma nga kinahanglang mopirma aron makadawat sa ilang food allowance.
- Latest
