Querubin mag-atubang og daghang kaso
CEBU, Philippines - Siguradong mag-atubang og daghang kasong administratiba ang polis nga nadakpan atol sa anti-drug operation sa City Anti-Illegal Drugs Special Operations Task Group (CAIDSOTG) human nasayran nga on-duty kini atol sa iyang pagkasikop.
Si PSSupt. Joel Doria, director sa Cebu City Police Office niingon nga ang ilang buhatan mopasaka og reklamo nga “conduct unbecoming of a police officer ug abandonment of post” batok ni PO1 Gem Querubin, nga nadestino sa Mambaling Police Station. Sumala niini nga gipahibawo siya sa hepe sa Mambaling Police nga si Querubin on-duty niadtong higayona.Kahinumduman nga si Querubin nadakpan sa balay sa target sa CAIDSOTG nga si Sharon Abella sa Sitio Pailob, Barangay Sambag 2 uban si Chas Chavit.
Si Abella giila sa kapolisan nga usa ka bag-ong drug personality sa dapit human sa gihimo nga pagpaniid.
Gipakuha na sab ni Doria ang armas ni Querubin kinsa kasamtangang gibalhog sa selda sa CCPO.
Dugang ni Doria nga ila sab gisubay ang koneksyon tali nilang Querubin ug Abella nga gikatahong manag-uyab.“Based sa information, magkakilala talaga sila ng babae, may drug siya so definitely may transaction sila sa loob,” matud pa ni Doria. Gawas sa kasong administratiba, mag-atubang sab og kasong kriminal ang polis human kini nakuhaan og gidudahang drugas gikan sa iyang posisyon. (BANAT NEWS)
- Latest
