Tabangan bisan dili kaalyado
CEBU, Philippines - Gipahibawo ni City of Talisay Mayor Eduardo Gullas nga dili siya mamili kun si kinsa ang tagaan og ayuda sa 22 ka mga barangay sa siyudad.
Si Mayor Gullas nipadayag nga wala niya makalimti ang matag barangay sa Talisay nga gahinan sa iyang giduso nga 2017 annual budget.
Dugang ni Gullas nga bisan og wala mosuporta kaniya ang mga kapitan panahon sa piniliay, iya ra gihapon kini’ng tagaan kun unsay ilang pangayuon nga proyekto sa ilang barangay.
“Barangay is not forgotten about the budget is concern. We will consider everyone,” nagkanayon si Gullas.
Iyang gipasabot nga ang ayuda nga iyang ihatag, dili alang sa opisyal kun dili alang sa katawhan hinungdan nga angay silang hatagan.
Pakigkitaan unya sa mayor ang 22 ka mga kapitan aron hisgutan ang maong plano.
Nasayran nga si Mayor Gullas, niduso na sa iyang 2017 annual budget sa konseho nga muabot sa P887, 996,775. Prayoridad sa mayor mao ang infrastructure projects kay alang niya mao kini ang makinarya nga makapalambo sa usa ka siyudad. (BANAT NEWS)
- Latest
