Panday gipatay sa nag-bonnet

CEBU, Philippines - Naligo sa kaugalingon niyang dugo ang usa ka construction worker nga gipusil sa wala pa mailhing mamumuno sa atubangan sa iyang panimay sa Brgy. Casoy sa dakbayan sa Toledo. Ang biktima mao si Roger Codya.

Matud ni PO2 Joselito Genon sa Toledo City Police, ang asawa sa biktima nga si Leonarda, anaa sa sulod sa ilang balay ug kalit nga nakadungog og sunod-sunod nga buto sa armas. Dihang iyang gisusi, nakit-an niini nga nagbuy-od na ang iyang bana.

Giingong duha ka lalaking nagsul-ob og bonnet ug nagsakay og motorsiklo ang namusil  sa biktima. Gituohan nga ang motibo sa krimen mao ang pagkalambigit sa biktima sa laing krimen.  (BANAT NEWS)