100 kilong imported meat gisakmit
CEBU, Philippines - Lima ka kahon nga dunay tag 20 ka kilo nga imported nga karneng baboy ang nakompiskar sa mga sakop sa Department of Veterinary Medicine and Fisheries sa parkingan sa Carbon Public Market sayo kagahapon sa buntag.
Ang inspection team gipangulohan ni Casandra Dilao nga sayong nisusi sa mga merkado publiko sa Sugbo.
Matud pa ni Dr. Alice Utlang, ang pangulo sa DVMF nga bisan pa man og dunay Meat Inspection Certificate ug Certificate of Meat Importation apan tungod kay sayop ang pag-handle sa frozen food hinungdan nakalapas kini sa RA 10536 kon Meat Inspection Code of the Philippines.
Sumala pa ni Utlang ang wala pagsunod sa hustong paagi sa pagdala sa mga imported frozen meat hinungdan sa pagkadaot sa karne nga baboy.
Ang usa ka gatos ka kilo nga karneng baboy gihatud sa Cebu Zoo ug sa Cebu City Pound aron ipakaon sa mga kahayupan.
Sa nakalabay nga buntag laing 19 ka kilos nga apapangig sa karneng baboy nga gituohang hot meat ang nakompiskar sa mga sakop sa DVMF. (BANAT NEWS)
- Latest
