Mga sakyanan sa City Hall gipanguli

CEBU, Philippines - Nikabat na sa 55 ka motorsiklo ug 133 ka sakyanan ang gipanguli sa mga barangay kapitan ug ubang opisyal kagahapon sa General Services Office.

Kini human niluwat si acting mayor Margarita Osmeña og memorandum sa pagpauli sa mga sakyanan niadtong Martes, Mayo 17.

Si Engr. Elvis Alforque, head sa preventive maintenance services sa GSO, nagkanayon nga ang mga sakyanan nagagikan sa nagkalain-laing departamento sa City Hall nga naglakip sa Division for the Welfare of the Urban Poor, Prevention Restoration Order Beautification Enhancement, Department of Public Services ug City Health. “Maong gipauli para ma-audit kung pila kabuok ang mga unit,” pasabot ni Alforque. Ang mga sakyanan toa gipahimutang sa Sugbo grounds sa South Road Properties.

Walay gitagal kung kanus-a kutob ang pag-turnover sa mga sakyanan ug ang pag-uli balik niini ngadto sa mga departamento.

Wala naapil sa memorandum ang mga patrol cars, ambulansya, trak sa basura, traffic vehicles, fire trucks ug uban pa nga emergency units nga sakyanan. (BANAT NEWS)