‘Gunman’ sa kapitan giila
CEBU, Philippines - Gipagawas na sa kapulisan sa Dakbayan sa Lapu-Lapu ang hulagway sa usa sa mga suspek ug maoy gunman sa pagbanhig kang Basak Brgy.Kapitan Isabelito Darnayla niadtong Sabado sa gabii sa General Aviation Road sa maong siyudad.
Ang maong gunman giila nga si Eric Empaso alyas "Mano", residente sa Fuentes St., Brgy. Pajac, sa maong siyudad.
Si Empaso adunay kauban nga naila sa ngalan nga Moto Daligdig taga Sitio Iba, sa Brgy. Basak ug tag-iya sa traysikol nga giabandonar diha sa crime scene.
Matud ni Senior Superintendent Arnel Libed, City Director sa Lapu-Lapu City Police Office (LLCPO) ang gunman nga si Empaso positibong giila ni Darnayla nga mao ang tawong mipusil kaniya.
Si Empaso adunay warrant of arrest sa kasong murder ug ilado kini nga drug personality sa ilang lugar matud pang Libed.
Dugang pa ni Libed nga nasikop atol sa checkpoint sa barangay ni Darnayla nisibat si Empaso apan gitabangan og gukod sa mga tanod ug nadakpan. Matud pa nga gilain og sabot sa suspek ang pagsita kaniya ug gituohan nga mao kini iyang motibo.
Wala usab gisalikway ni Libed nga posibleng usa usab ka gun-for-hire. Padayon kini karong gipangita samtang gipasakaan na kini og kasong frustrated murder. (BANAT NEWS)
- Latest
