Luna sa Japer paliton sa siyudad
CEBU, Philippines – Makaangkon na unya og luna ang mga nasunugan sa Basak Pardo, Dakbayan sa Sugbo.
Kini human giaprobahan sa konseho ang resolusyon nga giduso ni Konsehal Nendell Hanz Abella nga tugutan si acting Mayor Edgardo Labella sa pagpakignegosasyon sa Japer Development Corporation aron pagpalit sa luna.
Nagkantidad og P15.6 milyones ang luna nga may 12,500 square meters ang gidak-on nga nahimutang sa Basak Pardo nga mao’y balhinan sa mga pamilya nga nasunugan gikan sa Bamboo Upper Laguna, Laguna Homeowners Association (BULLHOA).
Matud ni Abella nga ang luna nga paliton ipaubos sa socialized housing program.
Plano usab ni Abella nga maapil usab ang mga nasunugan sa Quiot Pardo nga makapuyo sa luna.
Pareho nga gipanag-iya sa Japer Development Corporation ang duha ka managlahi’ng luna nga nasunugan. – /GMR) (BANAT NEWS)
- Latest
