Nanagat sa sanctuary sikop
CEBU, Philippines – Gidakop ang tulo ka mananagat nga nasakpang nanagat sa Tañon Strait, usa ka marine sanctuary sa Guiwanon, Lungsod sa Bantayan pasado alas 3 sa niaging buntag.
Nasikop sa mga sakop sa Municipal Fisheries and Aquatic Resources Management Council sila si Noven Piañar, 38; Reynaldo Aragon, 50; ug Eugenio Ortoguesa, 27, mga residente sa Barangay Tacop, Lungsod sa San Remigio.
Alas 3 pasado sa kadlawon nagpahigayon og pagpatrolya sa kadagatan ang mga sakop sa MFARMC tungod sa taho nga may mga mananagat nga managat sa sanctuary sa Guiwanon.
Naatlan nila ni Glicerio Villaceran, 61; Lino Fernandez, 53, ug Juan Villaceran, 33, ang usa ka pumpboat nga nanagat sa sanctuary.
Gidakop ug gisakmit ang pumpboat, pukot ug usa ka kahon nga isda nga kuha gikan sa sanctuary ug gi-turnover ngadto sa kapolisan kauban sa tulo ka suspek ug pasakaan sa tukmang kaso. – /GMR) (BANAT NEWS)
- Latest
