Gihulip sa CCPO director wa sa listahank
CEBU, Philippines – Gikwestyon ni acting mayor Edgardo Labella ug suspended mayor Michael Rama ang kalit nga paghulip ni Cebu City Police Office (CCPO) Chief Mariano Batianciela tungod kay wa kini masubay sa balaod.
Base sa Republic Act 6975 kon Philippine National Police (PNP) Law, Section 51, ang gobernador ug mayor adunay katungod nga mopili og hepe nga ibutang diha sa ilang hurisdiksyon ug mopili sila gikan sa lima ka girekomendar.
Matud pa ni Labella nga ang pagtudlo kang Senior Superintendent Benjamin Santos wala maapil sa girekomendar gikan sa Senior Police Replacement Board aron maoy pili-an.
Si Rama sa iyang bahin nasagmuyo kay wa sila gikonsulta.
Si Batiancela nahimong officer in-charge sa CCPO sulod na sa napulo ka bulan. Si Santos gikan sa Campo Crame. Apan bisan si Santos na maoy mohulip kang Batiancela, si Batiancela gihapon mao ang gusto ni Labella nga task force commander sa Sinulog 2016 ug sa 51st International Eucharistic Congress tungod kay siya maoy naghimo sa pagpangandam niini. – /EIM) (BANAT NEWS)
- Latest
