1 choreographer sa 2 winners
CEBU, Philippines - Nagmaya ang contingents sa Cebu City Central School ug Don Vicente Rama Memorial National High School human kini gideklarar nga mananaug sa Sinulog sa Kabataan sa Dakbayan kagahapong adlawa.
Nakadawat ang duha ka eskwelahan og tag P350,000 ug trophy isip premyo sa ritual showdown.
Ang duha sab ka eskwelahan nakadawat og tag P50,000 isip premyo sa Best in Costume category.
Sa elementary division, nag-una sa Best in Musicality ang Cebu City Central School, ikaduha ang Talamban Elementary School, ikatulo ang Pasil Elementary School ug ikaupat ang San Nicolas Elementary School.
Sa street dancing, nag-una gihapon ang Cebu City Central School, ikaduha ang Talamban Elementary School ug ikatulo ang Pasil Elementary School.
Sa ritual showdown, gisundan ang Cebu City Central School sa Talamban Elementary School, Pasil Elementary School ug San Nicolas Elementary School.
Sa secondary division, nigawas nga mananaug ang Apas National High School, gisundan sa Don Sergio Osmeña Sr. Memorial National High School, ikatulo ang Bulacao Community High School, ikaupat ang Don Vicente Rama Memorial National High School ug ikalima ang Ramon Duterte Memorial National High School.
Sa street dancing, mananaug ang Bulacao Community High School, Don Sergio Osmeña Sr. Memorial National High School ug Ramon Duterte Memorial National High School.
Sa ritual showdown, gisundan ang Don Vicente Rama Memorial National High School sa Apas National High School, ikatulo ang Don Sergio Osmeña Sr. Memorial National High School, ikaupat ang Bulacao Community High School ug ikalima ang Mabolo National High School.
Upat lang ang contingents sa elementary division ug unom sa secondary division.
Si Rolly Layola, ang choreographer sa duha ka mananaug sa showdown karong tuiga hinungdan nga namatikdan sa mananan-away ang susama nga konsepto.
Gipakita sa Cebu City Central School ang pagprotekta sa inahan nga langgam gikan sa pagkabata sa iya’ng mga piso nga gihulagway nila sa pareho nga pagprotekta ni Senyor Santo Niño sa katawhan.
Pareho ra sab ang konsepto sa Don Vicente Rama Memorial National High School nga gipakita ang pagprotektar sa mga alibangbang nga nihit na nga makita sa siyudad. (BANAT NEWS)
- Latest
