‘Hubog’ nadasmagan sa motor patay
CEBU, Philippines – Patay ang 51-anyos nga lalaki nga gidudahang hubog human nabanggaan sa naghaguros nga motorsiklo samtang nilabang sa dalan sa Barangay Kabangbang, Bantayan.
Ang drayber sa motorsiklo nga si Darwin Gigayawan, 44, paingon na unta’ng mopauli sa ila’ng panimalay sa Barangay Mancilang, Madridejos dihang nahitabo ang insidente alas 7:18 sa niagi’ng gabii.
Si SPO1 Raul Hernaez sa Bantayan Police Station niingon nga ang biktima nga si Cresenciano Sebial, taga Barangay Baluwag, San Fernando, giingong gikan nag-inom sa usa ka tindahan ug nagdala pa og botelya sa ilimnon diha’ng nilabang ug nadasmagan.
Dali’ng gidala sa Bantayan District Hospital apan gideklarar nga patay na.
Base sa imbestigasyon, ang mga polis nagtuo nga ang aksidente dili lang tungod kay ang biktima hubog apan tungod kay mismo ang drayber wala kamatikod gumikan sa kangitngit sa lugar.
Nagpaabot si Gigayawan sa pamilya sa biktima kung kini mopasaka ba og kaso. (Lorjerist G. Llanto, USJ-R Intern/GMR)(BANAT NEWS)
- Latest
