Duterte nangompisal kang Palma
CEBU, Philippines – Nangayo og pasaylo si Davao City Mayor Rodrigo Duterte ngadto kang Arsobispo Jose Palma sa mga pulong nga nalitok sama sa pagbalikas kang Pope Francis.
Kini atol sa iya’ng pagbisita kang Palma sa niagi’ng adlaw dungan sa paglusad sa ila’ng kalihukan sa iya’ng pagpapili sa pagka-presidente kuyog ni Senador Alan Peter Cayetano isip iya’ng runningmate.
Matud ni Palma nga gipasabot ni Duterte nga ang mga pulong nga iya’ng nabuhian nasaypan lang sa pagsabot sa katawhan.
Si Palma sa iya’ng bahin niingon nga nisabot usab siya sa habig ni Duterte.
Ang panagtagbo ni Palma ug Duterte nilanat lang og 10 minutos.
Giklaro ni Palma wala nangayo og endorsement ang kampo ni Duterte gawas nga dili usab kini buhaton sa Simbahan.
Si Duterte pabor nga ibalik ang death penalty nga kusganong gisupak sa Simbahang Katoliko. (Decemay P. Padilla/GMR)(BANAT NEWS)
- Latest
