Balay sa miyembro sa BJMP gipauwanan og bala
CEBU, Philippines – Gipauwanan og bala ang panimay sa usa ka sakop sa Bureau of Jail Management and Penology (BJMP) diha sa Siyudad sa Talisay diha sa Barangay San Isidro kagahapon sa kaadlawon.
Ang panimalay gipanag-iya ni Genelita Lira Melia, 45, apan swerteng walay nakalas o naigo sa maong insidente. Matud pa ni Superintendent Germano Mallari, hepe sa kapulisan sa siyudad bag-ohay pang naabot gikan sa iyang trabaho ang biktima ug padung na untang mamahuway dihang kalit nga gipaulanan og bala ang iyang balay. Nagkanayon si Mallari nga nitawag diha-diha dayun ang biktima sa kapulisan apan wa na nila maabti kun si kinsa ang mga responsable.
Naigo ang gate sa biktima lakip na ang sakyanan sa amiga sa biktima.
Ang mga nirespondeng mga pulis ang nakakuha og upat ka empty shells ug usa ka slug sa .45 nga bala. Asoy pa ni Mallari nga ang biktima kuyog sa iyang mga anak sa ilang panimalay samtang ang iyang bana ang nanarbaho sa gawas sa nasud.
Sigun pa niya nga ilang gitan-aw nga anggulo karon mao ang trabaho sa biktima isip BJMP. “Basin og naay nasuko sa biktima siguro basin og siya estrikta pud kaayo. Pero ato pa nang palawman ang imbestigasyon aron masuta gyud ang motibo sa krimen,” matud pa ni Mallari. – /EIM) (BANAT NEWS)
- Latest
