“Sinulog Goes Global” maoy tema sa Sinulog 2016
CEBU, Philippines – Mga hotels ug mga establisamento nga maagian sa Sinulog Grand Parade giawhag nga dili magdinalo sa ilang mga pansayan kun adunay mga tawong nanan-aw sa selebrasyon nga gustong mogamit niini ilabi na ang mga contingents.
Giangkon sa kadagkuan sa Sinulog Foundation nga hingpit na nga nahuman ang ilang pagpangandam ug gipadad-an na nila og pahibalo ang mga hotel ug business establisamento nga maagian sa rota sa Sinulog.
Matud pa ni Anna Marie Conejero, Sinulog Foundation and Marketing Promotion nga walay street parties nga gitugotan gikan Enero 15 ngadto sa 17. Sumala pa ni Conejero, wala usab silay gitugotan nga magpalupad og drones subay sa paghatag sa seguridad ug kaluwasan sa katawhan ug lakip ang pagdili pagpamutang sa tanan mga commercial banners ug political posters tungod kay ila kining panangtangon.
Ang executive director sa Sinulog Foundation Inc. Ricky Ballesteros nipadayag nga sa Enero 8 ang launching sa Sinulog 2016 ubos sa tema nga “Sinulog Goes Global.”
Gipadayag usab ni Ballesteros sa pagkakaron duna na silay 26 ka mga contingents lakip na ang gikan dinhi sa Sugbo ug mga out of town contingents.
Kagahapon gibuksan ang photo exhibit sa SM City sa mga mananaog sa Sinulog photo contest. – /EIM) (BANAT NEWS)
- Latest
