Niapil sa Bugasan project sa Kapitolyo nagkadaghan
CEBU, Philippines - Ang kahugpungan sa kababayen-an sa Lungsod sa Daanbantayan niapil sa Bugasan sa Kababayen-an Project sa probinsiya.
Si Gobernador Hilario Davide III niaprobar sa hangyo sa Daanbantayan Women’s Federation nga moapil sila sa mao’ng proyekto sa Kapitolyo.
Ang mao’ng proyekto usa sa paagi sa pag-empower sa kababayen-an aron usab sila makatabang sa panginabuhian sa ila’ng pamilya.
Tumong niini ang pagbaton og dugang kita ug pagpauswag sa entrepreneurial skills sa kababayen-an pinaagi sa pagbaligya sa bugas sa National Food Authority. Ubos sa mao’ng proyekto, ang accredited association hatagan kini og 10 ka sako’ng bugas isip seed money sa pagsugod sa ila’ng retail business.
Sa 20 ka barangay sa Daanbantayan, aduna’y 34 ka women’s organizations ug narehistro ug federated sa Department of Labor and Employment ug sa Securities and Exchange Commission. (BANAT NEWS)
- Latest
