Pagdagsa sa pasahero hagit sa MCIA

CEBU, Philippines – Daku’ng hagit sa Mactan-Cebu International Airport ang pagdagsa sa mga pasahero niini’ng buwana gawas sa umaabot nga International Eucharistic Congress ug Sinulog karong Enero 2016.

Kini ang gitataw ni Andrew Harrison, ang GMR-Megawide Cebu Airport Corporation chief executive advisor, diin daku’ng hagit kanila ang holiday season niini’ng buwana.

“We do and we are ready for the passengers’ influx. So that’s gonna be a challenging period for us,” matud ni Harrison sa mga tigbalita.

Ang pag-upgrade sa mga washrooms, mga lighting interiors sa tugpahanan ug flooring ang makita sulod sa airport terminal.

Aron maminusan ang pagka-congested sa airport, gipahawanan sab sa MCIA ang mga lobbies niini aron dili makapamati og kahuot ang mga pasahero.

“The work of transforming MCIA as the friendliest gateway to any destination is always our priority.

The changes we made to Terminal 1 are practical, prioritizing passenger comfort above all else,” matud ni Harrison.

Dugang sa mga improvements sa tugpahan mao ang 52 ka gi-upgrade nga flight information display system, 32 ka automated teller machines, ilabi na ang pagbutang og taxi bay gawas lang sa arrival area.

“What we decided to do, is we decided to focus to meet the needs of the passengers,” dugang ni Harrison. – /GMR) (BANAT NEWS)